Në njërën prej deklaratave më të ashpra deri tani kundër Rusisë për agresionin e saj në Ukrainë, Presidenti i KE-së, Charles Michel, deklaroi se ajo duhet përjashtuar nga Këshilli i Sigurimit të Kombeve të Bashkuara.
“Kur një shtet anëtar i përhershëm i Këshillit të Sigurimit fillon një luftë të paprovokuar dhe të pajustifikuar, një luftë e dënuar nga Asambleja e Përgjithshme, pezullimi i anëtarësimit duhet të jetë automatik, sipas mendimit tim.”
Reforma është e domosdoshme dhe duhet bërë urgjentisht, shtoi Michel duke iu drejtuar Asamblesë së Përgjithshme në Nju Jork. Pesë anëtarët e përhershëm të Këshillit të Sigurimit – SHBA, Franca, Britania, Rusia dhe Kina kanë të drejtën e vetos mbi vendimet e organit më të lartë të Kombeve të Bashkuara.
Presidenti ukrainas Volodymyr Zelensky ka kërkuar vazhdimisht që Rusia të përjashtohet nga Këshilli i Sigurimit dhe t’i hiqet e drejta e vetos për shkak të luftës së nisur në muajin shkurt. Ministri i jashtëm rus, Sergei Lavrov kaloi të premten në kundërsulm duke kritikuar vendet perëndimore për mbështetjen e dhënë Ukrainës.
Ai e akuzoi perëndimin për “Rusofobi” dhe vazhdoi të përsëriste refrenin e Moskës se “po lufton formacionet neo-naziste në regjimin e Kievit”.
/tch
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024