Aktivitetet festive të fundvitit janë përmbyllur me performancën e ikonës së identitetit kulturor të qytetit të Korçës, “Nderi i Kombit” Kori Lira. Një mbrëmje e veçantë kjo, për të përcjellë muzikën e vjetër korçare që vijon të trashëgohet në breza si edhe muzikën qytetare.
Thanas Kondili është një prej këngëtarëve më të vjetër të këtij kori, i cili thotë se kjo muzikë, nuk duhet të humbasë kurrë pasi përcjell shpirtin e artit korçar.
Qershia mbi tortë e kësaj mbrëmjeje ka qenë pjesëmarrja në këtë koncert e virtuozes, sopranos me origjinë korçare Arlinda Morava e cila prej vitesh jeton dhe zhvillon karrierën e saj muzikore në Bukuresht të Rumanisë, duke u përpjekur për të promovuar Shqipërinë në më të mirën e saj.
Si një buqetë urimi ka ardhur kjo mbrëmje që ka mbajtur mbërthyer artëdashësit korçarë në sallën e Teatrit të Korçës “Andon Zako Çajupi”.
Kartolina e urimit në fundvit nga Kori Lira vjen tashmë si një traditë e përvitshme në Korçë.

- Skandali i spiunazhit, Jensen Huang jep dorëheqjen nga “Nvidia” pas 33 vitesh si CEO i kompanisë! Aksionet bien deri në 12% - 12/11/2026
- Jo Rama, as Berisha por maskat! - 12/11/2026
- “Sazani është pronë e Shqipërisë dhe do të mbetet i tillë”/ Rama nga Irlanda: S’kam marrëveshje me Kushnerin, negociatat vijojnë - 12/11/2026