Will Smith po përpiqet të kapërcejë stigmën e lënë nga nata e Oskarit, kur ai goditi Chris Rock me shuplakë.
Shkak ishte shakaja e Rock-ut për alopecinë e gruas së Smith, Jada Pinkett. Që nga ajo kohë, karriera e aktorit ka kaluar nëpër vështirësi të mëdha, pasi shumica e projekteve që ai po përgatiste “ngrinë”. Sidomos pas përjashtimit të tij 10-vjeçar nga ceremonia e ndarjes së çmimeve, pas një vendimi të Akademisë, Smith ‘shijoi’ hidhërimin duke u mënjanuar nga jeta publike.
Megjithatë, Apple dhe regjisori Antoine Fuqua zgjodhën të publikonin ” Emancipation ” me Smith, duke treguar mbështetjen e tyre për përshtatjen e yllit të Hollivudit në ekranin e madh.
Premiera e filmit u bë shkak për rikthimin e familjes Smith në tapetin e kuq. 54-vjeçari dhe gruaja e tij morën pjesë me tre fëmijët e tyre, Jaden, Willow dhe Trey Smith në këtë event.