Ambasadorja e Amerikës Yuri Kim ka reaguar përmes një postimi në Twitter për situatën që është krijuar nga moti i keq në veri të Shqipërisë.
Ajo i shpreh ngushëllime familjes së Pjetër dhe Jason Rushaj, të cilët babë e bir humbën jetën pasi makina me të cilën udhëtonin u mor përpara nga uji i rrëmbyeshëm në Bogë. Ambasadorja gjithashtu ka ofruar ndihmë nëse është e nevojshme.
“Ne jemi të pikëlluar për vdekjet dhe dëmet nga përmbytjet shkatërruese në veriun e Shqipërisë. Shprehim ngushëllime për familjet që humbën njerëzit e tyre të dashur dhe respekt për guximtarët shqiptarë që ndihmojnë bashkëqytetarët e tyre. Ne jemi të gatshëm të ofrojmë mbështetje sipas nevojës”, ka shkruar ambasadorja Yuri Kim në Twitter.
We are saddened by the death & damage resulting from the devastating flooding in Albania's north. We express condolences to the families of those who lost loved ones, and respect to the brave Albanians assisting their fellow citizens. We are ready to provide support as necessary.
— Ambassador Yuri Kim (@USAmbAlbania) November 21, 2022
