Prej kohësh është folur për ribashkimin e shumëpritur të Spice Girls, grupi ikonë i viteve ’90 i përbërë nga Geri Halliwell, Victoria Beckham, Emma Bunton, Mel C dhe Mel B. Edhe pse kohët e fundit nuk ka pasur mundësi t’i shohim së bashku në skenë, këto ditë qarkullon një video që i sheh ato të ribashkuara duke kënduar një nga hitet e tyre “Say You’ll Be There”.
Të pesta u mblodhën për të festuar 50-vjetorin e Ginger Spice, Geri Halliwell. Këngëtarja mbushi 50 vjeç në gusht dhe e kishte planifikuar festën për në shtator, por e shtyu për në nëntor për të respektuar periudhën e zisë për vdekjen e mbretëreshës. Festa u mbajt gjatë fundjavës së 5 nëntorit në vilën luksoze që Halliwell ndan me bashkëshortin e saj Christian Horner, në Oxfordshire. Në festë ishin rreth 160 të ftuar dhe sigurisht që nuk mund të mungonin mikeshat e jetës.
Sipas raportimeve nga Daily Mail, të gjitha ishin në festë: Victoria Beckham, Emma Bunton, Mel C dhe Mel B. Edhe nëse në fotot e përfunduara në rrjetet sociale ato nuk shihen kurrë plotësisht të bashkuara, Spice Girls na dhanë një shije nostalgjie me një video që shumë shpejt u bë virale dhe u nda nga këngëtari Rylan. Në video, Victoria Beckham, Emma Bunton dhe Geri Halliwell shihen duke kënduar hitin e tyre të vitit 1996, “Say You’ll Be There” dhe shkojnë së bashku në pistën e kërcimit.
https://www.instagram.com/reel/CkpTi7CgfzN/?utm_source=ig_web_copy_link