Sot, adoleshente gjatë protestës në Lezhë, kanë dhunuar memorialin e quajtur “Lahuta e Malcis” në kujtim të At Gjergj Fishtës. Me një akt të pashembullt qytetarie e guximi, ka ndërhyrë “Mjeshtri i Madh”, piktori i shquar Pashk Përvathi, i cili ka ndaluar dhe ka bërë të mundur largimin e dhunuesve.
Për këtë akt ka reagur kryetari i bashkisë Lezhë zoti Pjerin Ndreu, i cili shkruan:
“Një falënderim i veçantë dhe mirënjohje për artistin e madh lezhjan, Pashk Përvathi, i cili dëshmoi një ndërgjegje të lartë qytetare, duke ndërhyrë menjëherë për të ndaluar disa fëmijë që po dëmtonin instalacionin e “Lahutës së Malcis”, në Bulevardin “Gjergj Fishta”.
Një gjest fisnik, një shembull qytetarie dhe përgjegjësie në mbrojtje të artit, kulturës dhe vlerave tona!
Arti dhe trashëgimia jonë janë pasuri e përbashkët. T’i mbrojmë është detyrë e të gjithëve!
Respekt dhe mirënjohje, mjeshtër!, përfundon reagimin e tij zoti Ndreu!
- “Ky s’është revolucion”- Qytetari nga Kosova kritikon protestat: Mos t’i tregojmë Shqipërisë nga jashtë se si duhet të jetojë! (VIDEO) - 19/10/2026
- Po, kam qenë e jam për një të djathtë politike të vërtetë! - 19/10/2026
- Kim Jong-un në gjendje të rëndë shëndetësore? Raportimet për një hemorragji cerebrale bëjnë xhiron e botës: Mendohet se është dërguar në Kinë - 19/10/2026