Në Prishtinë, për të pestën natë me radhë ka vazhduar protesta kundër vendimit të Gjykatës Speciale ndaj ish-krerëve të Ushtrisë Çlirimtare të Kosovës.
Protestuesit shpalosën flamur kombëtar me emblemën e UÇK-së, derisa brohorisnin “jo në emrin tim”.
Para mijëra protestuesve foli veterani i luftës Bekim Shyti që e quajti aktgjykimin padrejtësi.
“Sot kemi gjithandej varreza të dëshmorëve, e kemi lirinë, por liria erdhi nga këta vizionarë, nga këta trima dhe burrështetas, sepse këta kishin guximin dhe vizionin që të formojnë Ushtrinë Çlirimtare të Kosovës”, u shpreh Shyti.
Pjesë e protestës të dielën ishte edhe këngëtari Ledri Vula i cili shprehi mirënjohjen për katërshen e UÇK-së.
“Një falënderim për luftën që e kanë bërë këta njerëz të mëdhenj, që sot padrejtësisht janë dënuar. Faleminderit të gjithëve që keni ardhur”, tha Vula.
Të dielën në kundërshtim të vendimit të Speciales u protestua edhe në Shtime.
Diaspora, po ashtu ka vazhduar me protestat dhe kërkesat për drejtësi për ish-drejtuesit e Ushtrisë Çlirimtare të Kosovës. Të dielën është protestuar edhe në Vjenë të Austrisë e Triestë të Italisë.
Të hënën, në Prishtinë kanë paralajmëruar protestë studentët e universiteteve të Kosovës.
Më 16 shtator Gjykata Speciale dënoi me 81 vjet burgim për krime lufte së bashku Hashim Thaçin, Kadri Veselin, Rexhep Selimin dhe Jakup Krasniqin.
- Gold AG: Mu mor fryma, gati pësova infarkt kur u dënua UÇK! Hajnat tanë i kanë spiunuar - 20/09/2026
- Trump përgatit sanksione të forta ndaj Gjykatës Ndërkombëtare Penale, WSJ: Mund të ndalohen transaksionet në dollarë - 20/09/2026
- “Jo në emrin tim”/ Nata e pestë e protestës kundër vendimit të Hagës në Prishtinë, veterani Bekim Shyti: Liderët e UÇK-së janë dënuar padrejtësisht - 20/09/2026