Një javë pasi SPAK regjistroi procedimin penal për 21 Janarin, Prokuroria e Tiranës i ka transferuar dosjen hetimore Prokurorisë së Posaçme.
Kjo e fundit ka kryer edhe veprimet e para duke marrë në pyetje familjarët e njërit prej personave që u vra ditën e protestës, Aleks Nikës.
Ishin familjarët e Nikës që vunë në lëvizje drejtësinë kur i kërkuan SPAK që të hetojë këtë dosje të mbetur pezull në Prokurorinë e Tiranës për 13 vite.
Në të njëjtën periudhë, Gjykata e Strasburgut doli në përfundimin se 21 janari ishte krim shtetëror dhe duhet të hetohet si i tillë nga drejtësia shqiptare.
Hetimet në SPAK do të drejtohen nga prokurori Alfred Shehu dhe për 21 janarin është ngritur edhe akuza e pengimit të zbulimit të së vërtetës.
Prokuroria e Posaçme ka ngritur 3 vepra penale për 21 janarin: shpërdorim i detyrës, “vrasja në rrethana të tjera cilësuese” dhe “kryerja e veprimeve që pengojnë zbulimin e së vërtetës”.
Hetimet për 21 janarin 2011 nisin pas kërkesës së familjarëve të Aleks Nikës, që prej më shumë se një dekadë kërkon drejtësi për vrasjen e djalit të tyre, ndërkohë që është e vetmja vrasje pa autor në ngjarjen e 21 janarit.
- SHBA formon ekipin negociues për bisedime me Rusinë, 3 zyrtarë të lartë amerikanë drejt Arabisë, ndër ta Sekretari i Shtetit - 15/02/2025
- Telefonata e Sekretarit të Shtetit dhe homologut të tij rus, në fokus rikthimi i dialogut mes dy fuqive botërore dhe konflikti me Ukrainën - 15/02/2025
- Tronditet Austria! Një person vret me thikë një 14-vjeçar dhe plagos katër të rinj në rrugë! Dëshmitari përplas me makinë autorin - 15/02/2025