Deputetët që do të kandidojnë për kryetarë bashkie në zgjedhjet e 14 majit kanë sot afatin e fundit për të dorëzuar mandatin në Kuvend. Besjan Ajazi dhe Benet Beci që garojnë nën siglën e PS e dorëzuan sot mandatin ndërsa më parë i dorëzuan edhe Luçiano Boçi me Belind Këlliçin.
Karrigen e Benet Becit që do të kandidojë për bashkinë e Shkodrës do e zërë Ilir Beqaj. Ndërsa Besjan Ajazi do të kandidojë për bashkinë e Gramshit. Në Kuvend do ta zëvendësojë Shkëlqim Bullari.
Mes deputetëve që lanë mandatin janë edhe Luçiano Boçi që kandidon për bashkinë e Elbasanit dhe do të zëvendësohet nga Qani Xhafa. Ndërsa karrigen e Belind Këlliçit që garon për bashkinë e Tiranës do ta zëvendësojë Asllan Dogjani.
I vetmi që nuk e ka dorëzuar ende mandatin e deputetit është Zef Hila, i cili doli nga primaret për bashkinë e Vaut të Dejës. Ai pritet të zëvendësohet nga Ludovik Hasani.
- Nga Musolini e Lef Nosi, te Enver Hoxha, Maks Velo e Sudja, Ben Blushi zbulon 100 personazhet e romanit “Historitë e çmendura të Tiranës” - 04/11/2026
- Figurat bullgare të rilindjes kombëtare – arkitektët e lindjes evropiane - 02/11/2026
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026