Seanca e sotme plenare është shoqëruar me debate mes kreut të Partisë Demokratike, Sali Berisha, dhe kryetarit të Kuvendit, Niko Peleshi, pasi ky i fundit ndryshoi rendin e ditës.
Gjatë fjalës së tij, Berisha akuzoi mazhorancën për bllokimin e amendamenteve të propozuara nga opozita, duke e cilësuar Peleshin si “armik të Kushtetutës” dhe “vasal të Edi Ramës”.
“Do ngelesh në historinë e këtij vendi si vasali më i shpifur i Edi Ramës, si armik i egër i Kushtetutës dhe të drejtave kushtetuese të deputetëve, si armik i egër i procesit të integrimit të Shqipërisë. Ka një muaj që janë dorëzuar amendamentet për amendimin e ligjeve, të cilat BE, Komisioni Europian, PE, kërkon të anulohen dhe të amendohen, të cilat protesta më e fuqishme pas viteve ’90, rinore, qytetare, kërkon të anulohet dhe ti i injoron sikur nuk ekzistojnë”, u shpreh Berisha.
Nga ana e tij, Peleshi reagoi duke i kërkuar ish-kryeministrit të respektojë etikën parlamentare.
“Unë s’ju drejtohem me ‘ti’, zoti Berisha. Ju lutem mos tejkaloni etikën parlamentare”, tha Peleshi, duke i ndërprerë më pas fjalën.
- Spanja kthehet në shtëpi si kampione Bote, Mbreti Felipe: Një fitore epike - 20/07/2026
- Spanja feston titullin kampion bote, kombëtarja pritet nga Mbreti dhe kryeministri para festës madhështore në Madrid - 20/07/2026
- Botërori, Messi thyen heshtjen: Dhimbje e madhe që do të duhet shumë kohë për t’u shëruar. Urime Spanjës - 20/07/2026