Uragani Ian la dhjetëra viktima dhe shkatërrime të pallogaritshme pas tij nga SHBA. Reuters raporton 50 vdekje të konfirmuara, shumica prej tyre në Lee County, Florida. Akoma më tragjike janë bilancet e mediave amerikane, ku NBC flet për 77 të vdekur dhe CNN për më shumë se 70 .
Një shifër zyrtare nuk është publikuar nga autoritetet federale.
Më shumë se 1,100 shpëtime u raportuan në Florida pasi uragani Ian goditi shtetin si uragan i kategorisë 4 të mërkurën pasdite, tha të shtunën guvernatori Ron DeSandis.
Edhe pse më pas u dobësua në një stuhi tropikale, reshjet e dendura shkaktuan përmbytje të përhapura në Karolinën e Jugut, Karolinën e Veriut dhe Virxhinia.
Gati 1.2 milionë shtëpi dhe biznese në Florida ishin pa energji të shtunën. Në tre shtetet e tjera të përmendura më sipër, ky numër vlerësohet të jetë rreth 300,000.
Presidenti amerikan Joe Biden kishte shprehur frikën të premten se uragani Ian ndoshta do të jetë një nga më të këqijtë në historinë e vendit.
“Ne sapo kemi filluar të shohim shkallën e shkatërrimit”, tha ai, duke shtuar se do të duhen muaj, ndoshta vite për të rindërtuar zonat e prekura.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024