Instituti Ndërkombëtar Republikan amerikan publikoi rezultatet e një sondazhi të zhvilluar gjatë shkurtit, në gjashtë shtetet e Ballkanit Perëndimor.
Në anketimin e IRI-t, një lupë e kujdesshme e paanshme e lirinë e medias, dhe besueshmërinë e saj në publik, nxjerr në vend të parë Top Channel, si televizioni më i besuar nga shqiptarët.
Përpjekjet e pakompromis për një kërkim sa më të madh që të jetë e mundur e të vërtetës, për një raportim sa më pranë realitetit të prekshëm e sa më afër misionit të gazetarisë së vërtetë, e kanë shpërblyer Top Channel me besimin e qytetarëve, sic e dëshmon qartë anketimi i organizmit prestigjoz. Pyetjes se cilës media specifike i besoni më shumë për të marrë informacionin politik, si televizion, radio, gazetë, portal, 32% e të anketuarve i janë përgjigjur Top Channel, 11% i janë përgjigjur si zgjedhje e dytë, dhe 46% si zgjedhje e tretë, shifra këto me një diferencë tejet të thellë nga shumica e kanaleve televizive e te tjereve që radhiten me një nivel mjaft të ulët besueshmërie.
Përgjigjet kanë qenë spontane, theksohet në sondazhin e konsideruar si një grafi të asaj çfarë mendojnë vërtet qytetarët, dhe mesazhi që ata përcjellin përmes tij. Top Channel renditet kësisoj sërish si burimi kryesor dhe më prestigjoz i informimit nga vetë shqiptarët, falë mekanizmave të një barometri të pavarur të perceptimit publik si ky institut, që e nxjerr në krye të klasifikimit si median e parë dhe kryesore në vend me audiencën dhe besueshmërinë më të lartë për qytetarët.
Në përgjithësi, fokusin e sondazhit të IRI-t e kanë përbërë shqetësimet e qytetarëve të rajonit, me shtrenjtimin e jetesës, papunësinë dhe korrupsionin të rendituara si tre problemet kryesore në të gjithë vendet e tij. Një vështrim mjaft kompleks sa i takon secilit vend sa i takon ekonomisë problematike, vlerësimeve ndaj politikës dhe qeverisjes, raporteve të tensionuara apo mosbesuese mes njëri tjetrit.
