Presidenti francez Emmanuel Macron deklaroi se po punohet për një takim të rëndësishëm diplomatik mes presidentit rus Vladimir Putin dhe atij ukrainas Volodymyr Zelensky.
Në një intervistë për transmetuesin TF1-LCI, Macron tha se formati i bisedimeve pritet të jetë i gjerë, duke përfshirë fillimisht një takim dypalësh mes dy liderëve, më pas një takim trepalësh ku do të jetë i pranishëm edhe Donald Trump, si dhe një fazë të fundit shumëpalëshe me përfaqësuesit e vendeve europiane.
Sipas Macron, samiti mund të mbahet në një vend neutral, ku opsioni më i mundshëm mbetet Gjeneva në Zvicër, edhe pse në tavolinë është edhe alternativa e Stambollit, ku më herët janë zhvilluar bisedime dypalëshe mes palëve.
Ky zhvillim vjen në një moment delikat për luftën në Ukrainë. Presidenti Zelensky, në muajt e fundit, ka intensifikuar takimet me liderët europianë për të garantuar mbështetje të mëtejshme ushtarake dhe financiare, por gjithashtu për të gjetur kanale diplomatike që mund të çojnë drejt uljes së tensioneve.
Përfshirja e Presidentit amerikan Donald Trump, i cili ka deklaruar se “mund ta ndalë luftën shpejt pas rikthimit në Shtëpinë e Bardhë”, shihet si një element i ri që mund të ndryshojë dinamikat e bisedimeve.
- Pretendimet e Trump për ndërhyrjen e Kinës në zgjedhjet e vitit 2020, reagon Pekini: Trillime të pastra dhe shpifje dashakeqe të pabaza - 17/07/2026
- Konflikti SHBA-Iran është në kulmin e tij/ Nata e gjashtë e bombardimeve amerikane, Teherani kërcënon të gjithë Gjirin Persik - 17/07/2026
- Programi i ri për biznesin, Ibrahimaj: Qeveria do të jetë partnere e investimeve dhe rritjes së sipërmarrjes - 17/07/2026