Ashtu si çdo të hënë, 20 prill, socialistët mbledhin sot grupin parlamentar në Kryesinë e Kuvendit.
Mbledhja do të drejtohet nga kreu i grupit parlamentar Taulant Balla, në mungesë të kryeministrit Edi Rama. Ky i fundit ndodhet në Abu Dhabi, në kuadër të një vizite zyrtare.
Mësohet se deputetët e PS-së do të paraqesin raport të detajuar të punës së secilit në komisionet parlamentare ndërsa do të kryhet një analizë për seancën e shkuar plenare.
Një pikë tjetër e rendit të ditës lidhet me agjendën e Kuvendit që do të mbahet më 23 prill. Pritet që të zhvillohen plot 5 interpelanca. Fillimisht me ministrin e Mbrojtjes Ermal Nufi dhe më pas me ministren e Arsimit, Mirela Kumbaro. Interpelanca këto, të mbartura nga java e shkuar dhe të kërkuara nga grupi parlamentar i Partisë Demokratike.
Tre interpelancat e tjera përfshijnë atë me ministrin e Brendshëm Besfort Lamallari, ministren Evis Sala dhe ministrin Andis Salla.
- Mbledhja e grupit të PS dhe Qeverisë, Rama “zbulon” fjalimin: Do ndaj reflektimin tim mbi bulevardin e flamingove - 23/07/2026
- Protestuesit, gurë policisë/ Leka: Aktet e dhunshme tregojnë nervozizmin e organizatorëve dhe pagatorëve të tyre - 23/07/2026
- Opozita në ‘këmbë’ bllokon foltoren/ PS miraton me mbi 80 vota raportet e institucioneve të pavarura, votohet edhe kreu i ri i Prokurimeve Publike - 23/07/2026