Tirana mirëpriti për herë të parë, të rinj me dhe pa aftësi të kufizuara intelektuale në një Samit dedikuar rinisë për Sportin për Gjithëpërfshirje, i cili nxori në pah talentin, kurajën dhe guximin e atletëve të Special Olympics.
Së bashku me të rinj nga Kosova, Serbia, Maqedonia e Veriut, Mali i Zi dhe Bosnja dhe Hercegovina, atletët organizuan Turneun “Shoot for Inclusion” – “3-pikëshi i gjithëpërfshirjes”, si një dëshmi të sportit si gjenerator i gjithëpërfshirjes, shëndetit të mirë, zhvillimit të qëndrueshëm e të vazhdueshëm dhe integrimit e mirëqenies së personave me aftësi të kufizuara intelektuale.
Aktiviteti theksoi bashkëpunimin e atletëve shqiptarë në nivel rajonal në kuadër të veprimtarive të shumta të titullit “Tirana Kryeqyteti Evropian i Rinisë 2022”, por edhe duke promovuar Tetorin si muaj të Ndërgjegjësimit ndaj Sindomës Doën.
Ky Samit Rajonal u zhvillua për herë të parë në Shqipëri, organizuar nga Special Olympics Albania, nën kujdesin e Kryetarit të Bashkisë Tiranë, me mbështetjen e Kongresit Rinor Kombëtar, në partneritet me UNFPA dhe Lions Clubs International Foundation.
- “Kemi ndërprerë marrëdhëniet diplomatike me Iranin”/ Takimi i ministrit Hoxha me homologun izraelit, Sa’ar: Rama, një nga liderët më të jashtëzakonshëm në botë - 12/10/2026
- CBS zgjeron më tej skandalin LaCivita: Vajza e shefes së kabinetit të Trump, drejton dhe kompaninë e lobimit të paguar nga Dodik! - 12/10/2026
- Raporti i BBC: Si u zhdukën nga bilancet e Abramoviçit jahtet, vilat dhe avionët privatë me vlerë 672 milionë dollarë! Dyshime për… - 12/10/2026