Uashingtoni ka dhënë “dritën jeshile” për një kredi të re prej 302 milionë dollarësh për Shqipërinë në fushën e mbrojtjes.
Pas miratimit të marrëveshjes së huasë në kuadër të programit amerikan “Foreign Military Financing” (FMF), ka reaguar edhe Ambasada e Shteteve të Bashkuara në Tiranë.
Përmes një postimi në rrjetet sociale, ambasada bëri me dije se marrëveshja do të mbështesë përparimin e Shqipërisë drejt përmbushjes së Angazhimit të Hagës për Mbrojtjen, i cili parashikon rritjen e shpenzimeve për mbrojtjen në 5% të Prodhimit të Brendshëm Bruto deri në vitin 2035.
“Sot, Shtetet e Bashkuara kanë kënaqësinë të njoftojnë ratifikimin dhe nënshkrimin nga Shqipëria të një kredie të re prej 302 milionë dollarësh në kuadër të programit Foreign Military Fund (FMF), e cila do të mbështesë përparimin e Shqipërisë drejt përmbushjes së Angazhimit të Hagës për Mbrojtjen, që parashikon rritjen e shpenzimeve për mbrojtjen në 5 për qind të Prodhimit të Brendshëm Bruto (PBB) deri në vitin 2035“, shprehet Ambasada amerikane në Tiranë.
- “Çmimet janë çmendur, po dëmtoni bujqit dhe konsumatorin”, Braçe denoncon abuzimin e tregtarëve: E blejnë shalqinin me 6 lekë/kg dhe e shesin 30 - 04/08/2026
- SHBA miratoi huanë 302 milionë dollarëshe për mbrojtjen shqiptare, ambasada amerikane në Tiranë: Mbështetje për modernizimin e Forcave të Armatosura - 04/08/2026
- Lamtumira për legjendën e Milanit! Tifozët në lot për Franco Baresin, të pranishëm ikona të futbollit - 04/08/2026