Legjenda Luka Modriç në një intervistë për “La Gazzetta dello sport” thotë se është i surprizuar nga futbolli Italian, ndërsa personi që e ka surprizuar më shumë te Milani është trajneri Alegri.
Modric, si mundesh në moshën dyzet vjeç të jesh gjithmonë kaq vendimtar, por mbi të gjitha të luash me këtë qëndrueshmëri?
“Ndihem mirë, fizikisht dhe psikologjikisht, dhe më pëlqen ajo që bëj. Dua të vazhdoj kështu sepse po argëtohem. Gjithçka po shkon ashtu siç doja.”
Tani, me Milanin, je në krye të tabelës, duke luftuar për titullin. Nuk mund të ishte më mirë…
“Mendoj se po bëjmë një punë të mirë, dhe qëllimi është të mos dorëzohemi, edhe pse ka shumë ekipe që luftojnë për vendin e parë. Është e vështirë, por po ecim përpara. Me besim.”
Cilat janë ndryshimet midis futbollit italian dhe atij spanjoll?
“Futbolli italian është i ndryshëm nga futbolli spanjoll.
Nga jashtë vendit, ndoshta nuk e kuptoni sa e vështirë është Serie A, por ju siguroj se është shumë e fortë dhe konkurruese. Nuk u habita sepse isha i përgatitur: E kam njohur që kur isha djalë, kur e shikoja në TV, dhe kam vazhduar ta ndjek gjatë viteve. E dija se çfarë do të gjeja, dhe isha gati.”
Pse nuk patët probleme të ambientoheshit te Milani?
“Jam i lumtur sepse po luaj për atë që mendoj se është klubi më i madh italian. Shijoj çdo ditë që jam në Milanelo dhe vesh fanellën kuqezi. Nuk e mendoja kurrë se do të mund të vija te Milani gjatë kohës që isha isha te Real Madrid, por në jetë, ndonjëherë gjërat ndodhin kur nuk i pret. Ishte një ëndërr e bërë realitet sepse kam qenë tifoz i Milanit që kur isha fëmijë.”
Tek Milani gjete Masimiliano Alegrin. Si është marrëdhënia jote me të?
“Ai është një trajner i shkëlqyer, një fitues (e përsërit tre
herë…). Më pëlqen të punoj me të, dhe ai më surprizoi me personalitetin e tij. Ai ka një aftësi të shkëlqyer për të krijuar një raport me dhomën e zhveshjes sepse është mësuar të menaxhojë kampionë të mëdhenj: ai të ndihmon të japësh gjithçka dhe të bën të ndihesh i qetë, kështu që është më e lehtë të bësh atë që duhet të bësh.”
Si është jeta në Milano?
“Mirë. Unë dhe familja ime shkojmë mirë. Unë kuptoj edhe italisht, por le të themi se flas më mirë gjuhë të tjera: kroatisht, anglisht dhe spanjisht. Por ngadalë do të mësoj edhe italisht.”
Ndërkohë, tifozët e kuqezinjve janë të çmendur pas Modricit…
“Jam i lumtur. San Siro është një stadium i veçantë, dhe tifozët tanë janë të jashtëzakonshëm.”
Duke folur për italishten dhe Italinë, ju dhe ekipi juaj kroat tashmë jeni kualifikuar. A i prisni “Azzurrët” në Kupën e Botës verën e ardhshme?
“Do të ishte një tragjedi që Italia të humbte një Kupë të tretë Bote radhazi… Shpresoj që Italia të kualifikohet sepse të gjitha ekipet më të mira do të jenë në Kupën e Botës të ardhshme, dhe Italia është një nga më të mirat. Kështu që ata duhet të jenë atje.”
Po përpiqeni të qetësoni tifozët italianë?
“Futbolli është gjithmonë i vështirë, por shpresoj që Italia të kualifikohet. Do t’i pres në SHBA…”
Ndërkohë, shorti ju ka rezervuar një grup me disa pengesa, duke pasur parasysh se do të përballeni me Anglinë, Ganën dhe Panamanë.
“Anglia është… Anglia, një nga ekipet më të forta kombëtare në botë, por ne nuk nënvlerësojmë askënd. Jemi në një grup të vështirë dhe duhet të përgatitemi mirë. Megjithatë, Kupa e Botës është ende shumë larg, dhe tani duhet të përqendrohemi në të tashmen dhe te Milani sepse duam të vazhdojmë”.
