10.5 C
Tirana
24 / 02 / 2024

Rasti i dytë brenda pak ditësh në Francë, jep dorëheqjen lideri i partisë ekologjike pas akuzave për ngacmime

Kreu i partisë ekologjike franceze, Julien Bayou dha dorëheqjen nga detyra mëngjesin e sotëm pas akuzave për dhunë psikologjike ndaj ish-partneres së tij, ndaj së cilës mendonte se nuk mund të mbrohej.

“U kam njoftuar sot në mëngjes anëtarëve të Europe Ecologie les Verts (EELV) dorëheqjen time nga funksionet e sekretarit kombëtar”, ka shpjeguar Bayou në një deklaratë, duke specifikuar se do të largohet edhe nga presidenca e grupit në Assemblée Nationale.

Vendimi erdhi pas akuzave për ngacmim moral nga një ish-partner, në rrethana që nuk janë bërë të ditura sa duhet. Nuk ka asnjë ankesë kundër Bayou, as ndonjë hetim.

Rasti vjen pas atij që goditi partinë radikale të majtë La France Insoumise të Jean-Luc Mélenchon, krahu i djathtë i të cilit Adrien Quatennens u detyrua të jepte dorëheqjen si koordinator. Quatennens kishte pranuar se kishte goditur gruan e tij në një debat.

Artikujt më të kërkuar

0
Would love your thoughts, please comment.x
()
x