Protesta e zhvilluar një ditë më pare më 17 nëntor para Kryeministrisë në Tiranë është shoqëruar me episode dhune, ku mbetën të dëmtuar dy punonjës policie.
Policia ka proceduar penalisht 24 shtetas, të dyshuar për përfshirje në veprime të kundërligjshme gjatë tubimit. Ndërkohë, gjatë 48 orëve të fundit janë vendosur edhe 28 masa administrative për shkelje të Aktit Normativ nr. 5.
Sipas Policisë, hetimet po vijojnë në bashkëpunim me Prokurorinë për të dokumentuar plotësisht ngjarjet dhe për të identifikuar personat e tjerë të përfshirë. Materialet procedurale për 24 shtetasit e proceduar i janë referuar Prokurorisë për veprime të mëtejshme.
Njoftimi i policisë
Tiranë/Procedohen penalisht 24 shtetas për veprime të kundërligjshme gjatë tubimit të djeshëm.
Gjithashtu, gjatë 48 orëve të fundit, vendosen 28 masa administrative në bazë të Aktit Normativ.
Gjatë tubimit të djeshëm janë dëmtuar 2 punonjës policie.
Në vijim të veprimeve hetimore dhe procedurale, të kryera nga shërbimet e Policisë së Tiranës, në drejtimin e Prokurorisë, me qëllim nxjerrjen përpara përgjegjësisë penale, të autorëve të veprimeve të kundërligjshme, gjatë tubimit të zhvilluar dje, u proceduan penalisht 24 shtetas.
Gjithashtu, në zbatim të Aktit Normativ Nr. 5, datë 28.10.2026, konkretisht pikës 2 të nenit 24/1, janë plotësuar 28 procesverbale për konstatimin e kundërvajtjeve administrative të kryera gjatë 48 orëve të fundit.
Specialistët për Hetimin e Krimeve, në bashkëpunim me Prokurorinë, vijojnë veprimet hetimore për dokumentimin e plotë të veprimeve të kundërligjshme, identifikimin e shtetasve të tjerë të përfshirë në to, si dhe nxjerrjen e tyre përpara përgjegjësisë ligjore.
Materialet procedurale iu referuan Prokurorisë, për veprime të mëtejshme.