Presidentja e KE-së, Ursula von der Leyen ka reaguar pas tërmetit në Turqi duke shprehur solidaritetin për popullin e prekur dhe duke thënë se BE do të japë mbështetjen e saj në çdo mënyrë që mundet.
“Ne qëndrojmë në solidaritet të plotë me popullin e Turqisë dhe Sirisë pas tërmetit vdekjeprurës që goditi mëngjesin e sotëm. Ne vajtojmë me familjet e viktimave.
Mbështetja e Evropës tashmë është në rrugë e sipër dhe ne jemi të gatshëm të vazhdojmë të ndihmojmë në çdo mënyrë që mundemi”, shkroi Ursula von der Leyen në Twitter.
