Policia ka ndaluar kërkesën e opozitës për të zhvilluar protestë më 6 dhjetor, në një kohë kur kryeqyteti do të mirëpresë samitin BE-Ballkani Perëndimor.
Sipas dokumentit të siguruara nga Shqiptarja.com organizimi cenon sigurinë kombëtare dhe atë publike.
Në shkresën e policisë drejtuar Partisë Demokratike thuhet se në kuadër të këtij samiti në vendin e njoftuar për mbajtjen e protestës janë marrë masa për ruajtjen e sigurisë dhe çdo organizim i tillë përbën rrezik për sigurinë kombëtare.
Më poshtë theksohet se policia është e gatshme për të organizuar mbarëvajtjen e çdo tubimi jashtë këtij perimetri.