35.5 C
Tirana
17 / 07 / 2024

Për sa kohë do të kemi Bordet? Ibrahimaj: Për aq kohë sa ndikohemi nga tregjet ndërkombëtare

Bordi i Transparencës për çmimin e karburanteve dhe Bordi për çmimet e ushqimeve do të vazhdojnë të funksionojnë në Shqipëri për sa kohë që vendi ynë ndikohet nga rritja e çmimeve në bursa për karburantet dhe ushqimet në mbarë botën.

Kjo ishte përgjigja e ministres së Ekonomisë dhe Financave, Delina Ibrahimaj kur u pyet nga gazetarët edhe për sa kohë do të funksionojnë këto dy borde në Shqipëri.

“Ky vendim nuk përkon me politikat tona afatgjata. Ne jemi qeveri që mbështet tregun e lirë. Megjithatë në kohë të jashtëzakonshme duhen marrë vendime të tilla. Nga analizat që kemi bërë të dyja këto borde kanë bërë punën e tyre mirë. Ne do të vazhdojmë të mbajmë bordet për sa kohë që do të jemi të ndikuar nga rritja e çmimeve në bursat ndërkombëtare të bursave për karburantet dhe çmimet ushqimore”, tha sot ministrja pas përfundimit të mbledhjes së qeverisë.

Artikujt më të kërkuar

0
Would love your thoughts, please comment.x
()
x