Policia e Tepelenës ka ndaluar një nga autorët e dyshuar të dhunës së ushtruar ndaj mësuesit 59-vjeçar të fiskulturës Kleanthi Laçi, ngjarje e ndodhur dy ditë më parë.
I ndaluari është 29-vjeçari me iniciale A.G., i cili akuzohet për plagosje të lehtë me dashje të kryer në bashkëpunim dhe vetëgjyqësi.
Në kërkim janë shpallur edhe bashkëpunëtorët e tij.
Po kështu është ndaluar edhe vetë mësuesi 59-vjeçar. Sipas policisë, ndalimi i tij është bërë pasi dyshohet se ai ka ngacmuar seksualisht dy vajza të mitura. Ai akuzohet për ngacmim seksual dhe kallëzim i rremë.
Ndalimi i mësuesit u bë pas kallëzimeve të bëra për rastet.
Mësohet se 29-vjeçari i ndaluar për dhunën ndaj mësuesit është vëllai i njërës prej nxënëseve që dyshohet se janë ngacmuar seksualisht.
Materialet procedurale i kaluan Prokurorisë së Gjirokastrës për veprime të mëtejshme hetimore.
- Sot seancë plenare në Kuvend, projekt-buxheti 2026 do të shqyrtohet tek “Ekonomia” - 06/11/2025
- Demokrati Zohran Mamdani zgjidhet kryebashkiak i Nju Jorkut, i pari mysliman në histori - 05/11/2025
- Progres raporti i KE, Rama ndan deklaratën e Marta Kos: Do të bëjmë gjithçka për t’u ulur si të barabartë në tryezën e BE - 04/11/2025