Meksika dhe Shtetet e Bashkuara filluan sot negociatat zyrtare mbi Marrëveshjen Shtetet e Bashkuara-Meksikë-Kanada (USMCA) në Mexico City, nën presionin e kërcënimeve për tarifa nga administrata Trump.
Ministria e ekonomisë e Meksikës tha në një njoftim për shtyp se ky është “një raund i parë zyrtar negociatash për t’u përgatitur për rishikimin e përbashkët të marrëveshjes”, në të cilin merr pjesë edhe Kanadaja.
USMCA rishikohet çdo gjashtë vjet.
Kjo marrëveshje e tregtisë së lirë është jetike për ekonominë meksikane, me SHBA-në që është partneri i saj kryesor tregtar dhe destinacioni i më shumë se 80% të eksporteve të saj.
Raundi i parë i negociatave do të vazhdojë deri të premten.
“Palët përcaktuan hapat e ardhshëm për të thelluar diskutimet, me qëllim regjistrimin e rezultateve të prekshme në dobi të rajonit”, shtoi njoftimi për shtyp.
“Meksika dhe Shtetet e Bashkuara riafirmuan angazhimin e tyre për të vazhduar forcimin e bashkëpunimit dypalësh në dobi të një Amerike të Veriut më të bashkuar, më dinamike dhe më të fuqishme”, theksoi Ministria e Financave e Meksikës.
Negociatat do të zhvillohen gjithashtu në qershor dhe korrik, përkatësisht në Uashington dhe Mexico City.
- Mbi 70% me origjinë famijare myslimane, por vetëm 12% praktikantë të kësaj feje - 28/05/2026
- OKB shton Izraelin në “listën e zezë” për dhunë seksuale në zonat e luftës, reagon ambasadori izraelit: Vendim politik, i shkëputur nga faktet dhe realiteti - 28/05/2026
- Teherani nuk vonon përgjigjen pas sulmit të SHBA-së në Bandar Abbas, godet një bazë ajrore amerikane - 28/05/2026