Nga Esmeralda Selita
Spektakli marramendës me titullin kurorë “Nënë Tereza shqiptarja e gjithë botës”, këtë vit do të ulet në Tiranë.
Për pak ditë. afaristët shqiptarë më të zëshëm anembanë botës po mblidhen në Tiranë.
Sokol Guga është moderatoi i spektaklit që do ta realizojë këtë magji; njësoj si në legjendën ‘Kush e solli Doruntinën’.
E kemi ndjekur në rrjetet sociale të publikojë skenografinë e edicionit të 3-t të spektaklit madhështor “Shën Tereza, shqiptarja e gjithë botës” i cili këtë vit do të jetë kryeqyteti shqiptar, Tirana, e cila do të mirëpresë 12 shqiptarë të suksesshëm ne vende të ndryshme në botës.
Realizimi i spektaklit do të jetë Teatri Kombëtar i Operës dhe Baletit ku do të mirëpresë artistë e biznesmenë të cilët e kanë lartësuar emrin e vendit nga vijnë, Shqipëri.
Padiskutim që do të jenë po ata bashkëpunëtorë besnikë që e kanë shoqëruar Gugën edhe në produksione të tjera si skenografi i mirënjohur Bledar Gërcaliu, drejtori i fotografise Olsi Tufa, mjeshtri i audios Andri Gjini, grafisti i talentuar Taulant Hyso, kryeredaktorja Fabjola Kuburi, drejtori i prodhimit Leko Gjermani, orkestruesi i talentuar Jusiald Xhani, kryekoordinatori Enea Trimi e deri tek regjisori Armelin Llanaj.
Sokol Guga shprehet se ky edicion do të jetë shumë i kushtueshëm financiarisht pasi per secilin personalitet do te ngrihet një grup xhirimi për ti xhiruar në vendet ku ata jetojnë.
Spektakli “Shën Tereza, shqiptarja e gjithë botës” do të ketë edhe artistë të ftuar special të cilët do ti bashkohen këtij organizimi madhështor nga balerinë, tenor, soprano, aktor, të cilët do të shoqërohen nga orkestra filarmonike.
Një mbrëmje madhështore pritet të vijë së shpejti në ekranin e televizionit kombëtar Klan Plus. Spektakli “Shën Tereza, shqiptarja e gjithë botës” do të drejtohet nga producenti Sokol Guga e modelja e gazetarja Matilda Mçini.
Orkestra do të drejtohet nga maestro, dirigjenti Zhani Ciko si dhe artistët baritoni Armando Likaj, mexosoparno Ivana Hoxha, trupa e baletit e drejtuar nga koreografja Blerina Arbana e plot surpriza të tjera qe publiku do te ketë kënaqësinë ti shohë në datë 5 Shtator, ditën e Shenjtërimit të Nënë Terezës.
- Shqipëria nuk është e hajdutit Sali Kulla dhe e dhëndrit budalla! - 17/05/2026
- Analiza: Kush e ka pushtetin e vërtetë në Iran? - 17/05/2026
- Kuotat e Trumpit bien, aksionet në bursë ngrihen… - 17/05/2026