Pas avancimeve të mëdha në lindje, ushtria ukrainase tashmë po synon ta vazhdojë kundërofensivën kundër trupave të Rusisë edhe në rajonin e Donbasit.
Kreu në ekzil i Luhansk, Serhiy Hayday, pretendon se forcat e Kievit kanë arritur një pikë strategjike në qytetin e Lyman. Kjo zonë ra në duart e pushtuesve në fund të majit dhe ndodhet vetëm 50 kilometra larg nga Donjeckut, kryeqendra e republikës së vetëshpallur me të njëjtin emër.
Në ditët e fundit, trupat e Kievit rimorën zona të rëndësishme të pushtuara, duke detyruar forcat e Rusisë që të tërhiqeshin. Presidenti, Volodymyr Zelensky tha se bëhet fjalë për mbi 8 mijë kilometër katrorë që është hequr nga duart e pushtuesve në rajonin e Kharkiv.
“Pjesa e mbetur e forcave pushtuese dhe grupeve të sabotazhit po zbulohen, bashkëpunëtorët po arrestohen dhe siguria e plotë po rivendoset”, tha Zelensky.
Banorët e qytetit Izium të rajonit Kharkiv, të lehtësuar pas çlirimit, tregojnë tmerret e përjetuar dhe zemërimin ndaj forcave ruse duke thënë se ata jetonin si derrat.
“Ata zhveshën bashkëshortin tim në mbathje. Këtu në rrugë i zhvishnin të gjithë. Të shikonin dhe rrotullonin. Kontrollonin për shenja apo tatuazhe. Nëse dikush ishte në ushtri ose jo, ata i merrnin njerëzit… ishte një horror këtu”, tha një nga banoret.
/javanews
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024