Twitter po dërgohet në gjykatë në Mbretërinë e Bashkuar nga “Crown Estate”, kompani e cila menaxhon portofolin e pronave në pronësi të Mbretit Charles III, lidhur me një dështim të pretenduar për të paguar qiranë në zyrën e saj në Londër.
“Crown Estate” ka filluar procedurat gjyqësore ndaj Twitter pas kontakteve të mëparshme me kompaninë e mediave sociale për qiranë e papaguar, dhe se dy palët janë aktualisht në diskutime.
Të gjitha tabelat dhe logot në Twitter janë hequr nga zyra në Londër, por kompania e Elon Musk ende e zë atë, sipas The Daily Telegraph, e cila raportoi fillimisht për padinë.
Në dhjetor 2022, The New York Times raportoi se Twitter nuk kishte paguar qira për asnjë nga zyrat e tij për javë të tëra. Që atëherë, pronari i selisë së Twitter-it në San Francisko ka filluar gjithashtu procedurat ligjore kundër kompanisë së mediave sociale.
Punonjësit në Singapor madje u dëbuan përkohësisht nga zyra e tyre për shkak të mospagesës së qirasë – përpara se Musk të paguante përfundimisht më vonë atë ditë, raportoi më parë Kali Hays i Insajderit.
Në fillim të këtij muaji, Insajderi raportoi se zyra e Twitter në Nju Jork ka një problem me insektet, me stafin që ankohej gjithashtu për banjat e papastra dhe tualetet e bllokuara.
Kjo vjen mes një sërë masash për uljen e kostove në Twitter, me fuqinë punëtore të reduktuar nga mbi 7,000 në 2,300, sipas vetë Musk. Ajo gjithashtu ka nxjerrë në ankand rreth 250 artikuj nga selia e saj në San Francisko, me një statujë të logos së zogut të Twitter që shitet për 100,000 dollarë.
