Zhvlerësimi i Euros ka arritur vlera minimale gjatë kësaj jave të Prillit. Sipas kursit zyrtar të këmbimit të Bankës së Shqipërisë, 1 Euro këmbehet me rreth 110.98 Lekë.
Sipas ministres së Financave dhe Ekonomisë, Delina Ibrahimaj, zhvlerësimi i Euros ka të bëjë dhe me paranë informale, por faktor kryesor sipas saj është turizmi.
Më të prekurit nga zhvlerësimi i Euros janë eksportuesit. Ibrahimaj tha se javën e ardhshme do ketë një takim me këtë sektor, ndërkohë që Ministria e Financave po e monitoron gjithë efektin që ka në ekonomi forcimi i Lekut ndaj Euros.
Rënia e Euros sjell përfitime për të gjithë ata qytetarë apo biznese që kanë kredi në Euro, por edhe për qeverinë pasi mund të shlyejë këstet e borxheve që ka me kosto më të ulët.
Latest posts by Gazeta Pena (see all)