Lëvizja Vetëvendosje i është drejtuar Gjykatës Kushtetuese që të pezullojë afatin për zgjedhjen e Presidentit dhe të japë interpretim për mungesën e deputetëve opozitarë në sallë.
Vetëvendosje ka njoftuar edhe Presidenten Vjosa Osmani për të parandaluar çdo veprim të saj për të shpallur zgjedhjet e jashtëzakonshme.
Kryetarja e Kuvendit, Albulena Haxhiu, me anë të një postimi në Facebook, dha lajmin, shkruan A2.
“Sapo i jemi drejtuar Gjykatës Kushtetuese lidhur me vlerësimin e kushtetutshmërisë së procedurës për zgjedhjen e Presidentit të Republikës së Kosovës. Po ashtu, përmes kësaj kërkese, kemi kërkuar që Gjykata Kushtetuese të vendosë masë të përkohshme për pezullimin e afatit kushtetues që lidhet me procedurën e zgjedhjes së Presidentit, deri në publikimin e aktgjykimit. Lidhur me këtë, e kam njoftuar edhe Presidenten, Vjosa Osmani-Sadriu”, lexohet në postimin e Haxhiut.
- Krah Koçiut, Rama ndan pamje nga mbledhja e qeverisë! Edhe ministrat e rinj në tryezë pas betimit para Presidentit - 06/03/2026
- Izraeli shkatërron me 100 bomba bunkerin nëntokësor të Khamenei-t, ja për çfarë ishte ndërtuar - 06/03/2026
- Lëvizja Vetëvendosje nuk i shkon Osmanit në takim: Tregoi emrat, kë quajte njerëz të rrezikshëm? - 06/03/2026