Grosistët e miellit kontrollojnë tregun si kartel duke fiksuar çmimet dhe duke mos ndjekur rregullat e konkurrencës. Për këtë arsye 4 kompanitë e mëdha duhet të paguajnë së bashku një gjobë me vlerë rreth 100 mijë dollarë.
Vendimi për të penalizuar këto kompani vjen nga Autoriteti i Konkurrencës, i cili një vit më parë i toleroi për rritjen e pajustifikaur të çmimit të bukës e miellit në treg, duke u vënë kusht të mos bëjnë marrëveshje të bashkërenduara dhe të raportojnë periodikisht kostot për miellin.
Që nga shtatori 2021 deri në gusht 2022, Ndërmarrjet Agroblend, Atlas Mills, Miell Tirana dhe Bloja del që të kenë thyer këto rregulla.
Penaliteti për kompanitë është shoqëruar sërish më të njëjtën thirrje që imponon dhe ligji, me detyrimin e ndërmarrjeve që të mos bëjnë marrëveshje dhe praktika të bashkërenduara, të cilat shtrembërojnë konkurrencës në treg.