Kryeministri Edi Rama i ka uruar ditëlindjen presidentit amerikan Bill Clinton, përmes një fotografie të realizuar në zyrën e tij një muaj më parë, kur e priti si mysafir të Shqipërisë.
“Gëzuar ditëlindjen President”, shkruan Rama në gjuhën angleze, ndërsa ndan fotografinë e mëposhtme ku Clinton shfaqet duke mbajtur në duar një fanellë të Kombëtares Shqiptare të futbollit.
Presidenti i 42-të i Shteteve të Bashkuara të Amerikës ka lindur më 19 gusht 1946 dhe sot feston ditëlindjen e 77-të. Një muaj më parë, Bill Clinton vizitoi Shqipërinë dhe ardhja e tij ishte historike, aq sa qeveria shqiptare organizoi gjithçka në detaje.
Gjatë kësaj vizite Clinton u nderua me “Yllin e Mirënjohjes për Arritjet Publike”, çmimi më i lartë që jepet nga zyra e Kryeministrit, e në këtë rast nga Edi Rama.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026