Gjergji Gjata, kandidati i ‘Primarëve’ të Sali Berishës, ka ndërruar krah dhe do të futet në garë për bashkinë e Korçës për grupin e Enkelejd Alibeajt në zgjedhjet e 14 majit.
Gjata është vetëofruar që të kandidojë për grupin e Alibeajt dhe sot ai është konfirmuar. Gjata u fut në garën e Primareve në Korçë, por nuk arriti të fitonte.
Ai siguroi vetëm 426 vota, ndërsa Ledina Alolli që u shpall fituese, mori 628 vota. Aliolli ka qenë deputete e Partisë Demokratike në periudhën 2009-2013.
Partia Socialiste ende nuk ka konfirmuar nëse do të rikandidojë Sotiraq Filon për Korçën apo do të zgjedhë një emër tjetër.