Ish-negociatori i BE-së për Brexit, Michel Barnier emërohet si kryeministër i ri francez nga Presidenti Emmanuel Macron.
“Presidenti i Republikës ka emëruar Michel Barnier si Kryeministër. Ai e ka ngarkuar atë të formojë një qeveri të bashkuar për t’i shërbyer vendit dhe popullit francez”, thuhet në një deklaratë për shtyp të Elysée.
Njoftimi mbyll një sagë politike, prej disa kandidatësh, të zbuluar në mënyrë strategjike nga Elysee për të testuar reagimin e francezëve.
Tani, Barnier duhet të krijojë një qeveri të aftë për dy detyra të vështira: t’i mbijetojë një votimi mosbesimi dhe të përcaktojë një sërë prioritetesh politikash që kënaqin palët.
I pozicionuar në krahun e djathtë të Les Républicains (LR), ai ka mbajtur një sërë postesh kryesore politike në Francë, si ministër i bujqësisë dhe punëve të jashtme në vitet 2000 dhe si Komisioner Evropian për tregun e brendshëm dhe shërbimet (2010-2014).
Ai kandidoi gjithashtu në zgjedhjet presidenciale të LR 2021, duke u renditur i treti me 23% të votave të partisë.
Emërimi i tij pritet të shkaktojë reagime nga qarqet politike evropiane dhe në Mbretërinë e Bashkuar, ku ai njihej më së shumti si kryenegociatori i BE-së për marrëveshjet e Brexit.
Në një intervistë ekskluzive me Euractiv në shkurt, Barnier kritikoi të djathtën ekstreme të Evropës se “nuk i kishte mësuar mësimet e Brexit”. Ai ishte veçanërisht kritik ndaj Rassemblement National (RN), partia që tani mund të vendosë fatin e Barnier në një votë mosbesimi, të cilën ai e akuzoi se dëshironte të largohej nga BE.
- Në 500 faqet e SPAK një radiografi e frikshme mbi sistemin korruptiv të familjes Berisha - 16/09/2024
- Zyrtarja e DASH takohet me Altin Dumanin, Hyland: Reforma në Drejtësi, rol vendimtar për aspiratat euroatlantike - 16/09/2024
- “Nga Viçidoli, me prona në Tiranë”, Shabani: Berisha ka më tepër zullume! SPAK të mos ndalet - 16/09/2024