Dua Lipa festoi 31-vjetorin e saj të shtunën, më 22 gusht, dhe ndau me ndjekësit disa nga momentet e fundjavës së saj të veçantë, duke shprehur mirënjohjen për të gjitha urimet që mori.
Këngëtarja e famshme me origjinë shqiptare publikoi në Instagram një seri fotosh nga festimet, ku shfaqet krah bashkëshortit të saj, Calum Turner. Në disa prej fotove, aktori britanik e puth në faqe, ndërsa në të tjera e mban në krahë gjatë një shëtitjeje në natyrë.
Çifti ka ndarë gjithashtu momente nga mbrëmja e ditëlindjes, ndërsa Dua Lipa u tregoi fansave edhe ëmbëlsirat që kishte përgatitur vetë për këtë rast.
Në përshkrimin e postimit, këngëtarja falënderoi të gjithë ata që e uruan dhe shprehu entuziazmin për vitin e ri të jetës së saj.
“Fundjava e ditëlindjes. Faleminderit për gjithë dashurinë dhe urimet!!! Jam gati për raundin tim të radhës rreth diellit… duke u bërë gjithnjë e më e mirë!”, shkroi Dua Lipa.
- “Shajeni Ramën sa të doni, por shteti duhet ruajtur”, analisti krahason opozitën shqiptare me Le Pen në Francë - 20/10/2026
- Paralajmërimi i Trump: Nëse Europa dorëzohet përballë emigracionit, SHBA do të largohet! - 20/10/2026
- Të maskuarit e vandalizuan, deputeti Shalsi për monumentin e ‘Lahutës së Malcis’: Si lufton për të ardhmen, kur s’njeh krenaritë e vendit? - 20/10/2026