Federata Shqiptare e Çiklizmit dhe bashkia Korçë, ka organizuar ditën e sotme një garë çiklistike, me pjesmarrjen e disa prej çiklistëve më të mirë të vendit. Çiklisti shkodran Mateo Balaj kishte ardhur enkas nga Italia për të marrë pjesë në këtë garë, me itinerar “Korçë-Drithas-Korçë” e gjatë 97 kilometra. Ai ka zënë vendin e parë për grupmoshën Junior, por në fundin e garës ka pranuar se ka munguar rivaliteti. Madje çiklisti i ekipit italian “Scap” është i mendimit se ky sport nuk është shumë i zhvilluar në vendin tonë.
Olsian Veliaj i Ekipit të Tiranës është një nga çiklistët më të mirë për të rritur, i cili edhe kësaj rradhe është shpallur fitues i garës për grupmoshën U23/Elitë. Ai pranon se mungesa e çiklistëve të tjerë ia ka lehtësuar fitoren.
Ndërsa sportisti Mikail Pali, i ekipit të Skënderbeut zuri vendin e parë për grupmoshën Kadet.
Presidenti i Federatës Shqiptare të Çiklizmit, Skënder Anxhaku, ka vlerësuar organizimin e kësaj gare e cila tregoi se ka mjaft të rinj të talentuar të cilët do të jenë e ardhmja e çiklizmit shqiptar. Por sipas tij nevojitet më tepër vemendje institucionale për zhvillimin e këtij sporti në vendin tonë.
Kjo garë e organizuar në “Ditën Ndërkombëtare Pa Makina”, nën kujdesin e bashkisë Korçë, ka patur si qëllim të përcjellë mesazhin për të mbrojtur natyrën dhe mjedisin nga përdorimi masiv i automjeteve.
- Dosja AKSHI/ SPAK sekuestron 52 prona dhe llogari bankare me vlerë 40 mln euro të Agasit, Beqirit dhe Mirlinda Karçanajt - 21/04/2026
- Kërkon të mos mbahet në kafaz xhami gjatë seancës gjyqësore, Ilir Meta paraqet kërkesën: Dua të jem në sallë krah avokatit - 21/04/2026
- Pas Marta Kos, Presidentja e PE-së vlerëson Shqipërinë në rrugën drejt integrimit, Metsola: Është në krye të procesit - 21/04/2026