Policia e Tiranës finalizoi operacionin policor të koduar “Diesel 2”, në kuadër të së cilit u sekuestruan 2000 litra naftë kontrabandë dhe një pompë karburanti.
Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se një shtetas ushtronte aktivitet të paligjshëm në fushën e tregtimit të hidrokarbureve, në banesën e tij, në rrugën “Azem Galica”, organizuan dhe finalizuan operacionin policor të koduar “Diesel 2”.
Si rezultat i këtij operacioni u arrestua në flagrancë shtetasi B. S., si dhe u procedua penalisht shtetasi G. P., të dy banues në Tiranë.
Nga veprimet hetimore të kryera ka rezultuar se shtetasi B. S. ushtronte aktivitetin e paligjshëm të tregtimit të hidrokarbureve, në bashkëpunim me shtetasin G. P., që e kishte punësuar.
Gjatë kontrollit në banesën e shtetasit B. S. u konstatua një ambient i përshtatur për vendosjen e një pompe karburanti dhe një depozite metalike, e cila ishte e mbushur me 2000 litra naftë, e dyshuar kontrabandë.
Materialet i kaluan Prokurorisë, për veprime të mëtejshme procedurale.
/atsh
- Kush është Ryan Routh, i dyshuar për atentatin ndaj Trump në fushën e golfit, zbulohet e shkuara e tij - 16/09/2024
- Si u pikas mes shkurreve 58-vjeçari që tentoi të vriste Donald Trump në fushën e golfit! Shërbimi Sekret qëlloi drejt tij, por arriti të arratisej! - 16/09/2024
- Rrëfimi ndryshe i Igli Tares në “E Diell”, nga Baggio, Guardiola dhe Ronaldo tek dashuria me gjermanen Sandra - 15/09/2024