Presidenti i Republikës së Shqipërisë, Bajram Begaj, ka zhvilluar një vizitë zyrtare në Itali ku mori pjesë në ceremoninë e hapjes së Lojërave Mesdhetare “Taranto 2026”. Pjesëmarrja e Kreut të Shtetit erdhi me ftesë të veçantë të Presidentit të Republikës së Italisë, Sergio Mattarella, në kuadër të mbështetjes për delegacionin e sportistëve shqiptarë.
Gjatë kësaj vizite, Presidenti Begaj u prit zyrtarisht nga Presidenti italian Sergio Mattarella dhe Kryeministrja e Italisë, Giorgia Meloni. Më pas, ai ndoqi nga tribuna kryesore parakalimin e ekipeve dhe ecurinë e ceremonisë festive që shënoi nisjen e këtij eventi të rëndësishëm multisportiv.
Ekipi kombëtar shqiptar përfaqësohet në këtë edicion me një delegacion prej 71 sportistësh, të cilët do të garojnë në 17 disiplina të ndryshme. Mes tyre numërohen emra me rezultate të larta e të spikatura në arenën evropiane dhe atë ndërkombëtare.
“Taranto 2026” merr një rëndësi të veçantë për Shqipërinë, pasi edicioni i ardhshëm i Lojërave Mesdhetare do të njohë mikpritjen e shqiptarëve me Kosovën flamurmbajtëse.
- “Hashim Thaçi, burrë shteti i Kosovës”/ Martin Leka: 16 shtatori në Hagë do bashkojë të gjithë shqiptarët - 21/08/2026
- Begaj në Itali, pritet nga Mattarella e Meloni, mbështet kuqezinjtë në Lojërat Mesdhetare - 21/08/2026
- “Ka një dorë që do t’i djegë pyjet”- Kryebashkiaku i Mirditës: Situatë e rrezikshme, flakët po përhapen, kemi bërë evakuime! Flakët të qëllimshme - 21/08/2026