Kreu i grupit parlamentar të Partisë Demokratike, Gazment Bardhi, i është përgjigjur deklaratës së ambasadorit të BE, Silvio Gonzato, që tha se është kundër dhunës nga opozita dhe se kjo e fundit duhet të gjejë alternativa të tjera për dialogun politik.
Bardhi, në një reagim në rrjetet sociale, shkruan se fshehja e realitetit pas fjalëve të bukura nuk ndihmon bendin.
“Bëhet thirrje që opozita të luaj rolin e saj brenda Parlamentit; ndërkohë mundësia e opozitës për të hyrë brenda dhe pastaj për të patur mundësi të luaj rolin e saj brenda Parlamentit paraqitet kështu në realitet! Fshehja e realitetit/të vërtetës pas fjalëve të bukura, nuk e ndihmon Shqipërinë! Realiteti/e vërteta është që opozita është përjashtuar nga Kuvendi pa ligj dhe me një rregull që është shfuqizuar prej 6 muajsh nga Gjykata Kushtetuese. Parlamentarizimi ka në themel të tij respektimin e Kushtetutës, si mundësia e vetme e bashkëjetesës mes palëve që mendojnë ndryshe”, ka shkruar Gazment Bardhi.
- Nuk ka më dyshime! Lewis Hamilton dhe Kim Kardashian në një lidhje, shfaqen bashkë në Super Bowl - 09/02/2026
- Përfundimi i mbledhjes së Grupit Parlamentar të PS, Rama: Tre konkluzione pas mosvendimit të GJK për pezullimin e Ballukut - 09/02/2026
- Pezullimi i Ballukut, Rama mbledh grupin e PS pak orë para vizitës në Bruksel: Do vijojmë betejën ligjore - 09/02/2026