Ministrja e Brendshme Albana Koçiu ka reaguar pas hedhjes së fishekzjarreve dhe molotovëve drejt Kryeministrisë. Në një postim në rrjetet sociale, Koçiu dënon inkurajimin e akteve të dhunës, sipas saj nga drejtuesit e opozitës dhe u bën thirrje organizatorëve të mbajnë larg të miturit për të mos rrezikuar jetën e tyre të e qytetarëve.
“Dënojmë çdo inkurajim aktesh dhune nga drejtues të opozitës. U bëjmë thirrje organizatorëve të protestës që t’u bëjnë apel simpatizantëve që të shmangin aktet e dhunës dhe të mbajnë të miturit larg çdo akti që do të rrezikonte jetën e tyre dhe qytetarëve. Dhuna nuk është zgjidhje! Dhuna është shfaqje e dëshpërimit nga ata që në vend të alternativës krijojnë skena që rrezikojnë jetën e qytetarëve, policëve e gazetarëve”, shkruan Koçiu krahas fotove nga hedhja e fishekzjarrëve dhe molotovëve në protestë.
Sipas saj “ata të rinj e të mitur që përfshihen në akte dhune nuk janë as heronj e as trima, por janë të keqpërdorurit e atyre që në mënyrë patologjike vijojnë të mbështeten te dhuna, pa mundur të ndërtojnë alternativë tjetër veç shkatërrimit”.
- Italia me “dorë të hekurt”/ Kryeministrja Meloni: Burg dhe gjoba për sulmet me gurë e fishekzjarrë në protesta - 21/10/2026
- Zelensky: Pa Ukrainën, SHBA, Kina dhe Rusia nuk mund të vendosin për fatin tonë - 21/10/2026
- “Jo”-ja e Albertës ndaj ndarjes i jep Carney-t një shtysë, ndërsa presioni i Trump bashkon kanadezët - 21/10/2026