Ish-presidenti amerikan Bill Clinton u bëri thirrje amerikanëve të “ngrihen” dhe të “ngrenë zërin” pas vrasjes së dy personave në Minneapolis nga oficerët e policisë.
Ish-presidenti demokrat foli për “skena të tmerrshme” dhe denoncoi qëndrimin e administratës Donald Trump.
Në një deklaratë të publikuar përmes platformës X, Bill Clinton theksoi se përgjegjësia për mbrojtjen e demokracisë u takon vetë qytetarëve. “Varet nga të gjithë ne, që besojmë në premtimin e demokracisë amerikane, të ngrihemi dhe të flasim hapur”, tha ai, duke shtuar se administrata e Presidentit aktual Donald Trump “na gënjeu” për rrethanat në të cilat u vranë dy amerikanët në Minneapolis.
Tension politik dhe zemërim shoqëror në SHBA
Ndërhyrja e Clinton vjen në një kohë polarizimi të fortë politik dhe shoqëror në Shtetet e Bashkuara, ndërsa incidentet e brutalitetit policor dhe reagimet që ato provokojnë vazhdojnë të shkaktojnë protesta dhe konfrontime politike.
Deklaratat e ish-presidentit i shtohen valës së kritikave kundër administratës Trump, duke intensifikuar presionin për transparencë dhe llogaridhënie rreth ngjarjeve në Minneapolis.
- “Nga Londra në Hagë: Një Shekull Gjyqesh mbi të Drejtën e Shqiptarëve për Liri” - 10/02/2026
- Salianji nuk i ‘bindet’ sërish Doktorit, merr pjesë në protestën e PD-së (VIDEO) - 10/02/2026
- Antikorrupsioni i një opozite me Berishën në krye, Ahmetajn aleat dhe deputetë të flakurit nga drejtësia - 10/02/2026