Avioni Airbus A321neo ka provuar për rreth dy orë të ulet në aeroportin e Shkupit, por nuk ia ka dalë. Pas 17 rrotullimeve mbi aeroport, avioni ka shkuar drejt Prishtinës në Kosovë, ku ka zbritur pa probleme.
Nuk dihet ende pse avioni nuk mundi të ulej në Shkup. Ai ka fluturuar disa herë shumë afër tokës mbi aeroport, që mund të tregojë se piloti kishte nevojë të shikonte nga afër, ndoshta për ndonjë problem me rrotat e uljes, raporton Corriere Della Sera.
Avioni u nis nga Venezia në orën 14:33 dhe mbërriti pranë Shkupit në 15:41, por nuk mundi të ulej. Në 17:33 u drejtua drejt Prishtinës, ku zbriti në orën 17:55, më shumë se tre orë pas nisjes.
Wizz Air nuk ka dhënë ende shpjegime për këtë incident. Avioni i përdorur në këtë rast, i përket flotës së kompanisë në Abu Dhabi.
- Bëri rreth 17 rrotullime dhe nuk u ul dot në aeroportin e Shkupit/ Avioni bën zbritje në Kosovë pas 2 orësh - 25/11/2025
- Presidenti i SHBA-ve Trump optimist për planin e paqes: Besoj se jemi pranë një marrëveshje për Ukrainën - 25/11/2025
- Grabitja në muzeun e Luvrit, policia arreston në Paris pjesëtarin e katërt të dyshuar të grupit që kreu vjedhjen spektakolare - 25/11/2025