Edhe pse u raportua gjerësisht se Presidentja e Kosovës, Vjosa Osmani, ishte nisur drejt Tiranës për të marrë pjesë në protestën “Liri për Çlirimtarët”, burime të sigurta konfirmojnë se qëllimi i vizitës së saj është krejtësisht privat. Sipas të njëjtave burime, Osmani ka ardhur në Tiranë për një vizitë mjekësore, dhe jo për të marrë pjesë në ndonjë aktivitet politik apo protestues.
Pamjet e eskortës zyrtare të presidentes, e cila kalonte kufirin në të njëjtën kohë kur shumë automjete me flamuj të Kosovës dhe Shqipërisë udhëtonin drejt Tiranës për të marrë pjesë në protestën në mbështetje të UÇK-së, kanë shkaktuar konfuzion dhe spekulime në rrjete sociale dhe media.
Megjithatë, burimi sqaron se prezenca e Osmanit në Tiranë nuk ka lidhje me protestën dhe nuk përfshin ndonjë angazhim zyrtar apo politik.
- Protesta për ish-krerët e UÇK në Tiranë, Përparim Rama: Të qëndrojnë të fortë, do të lirohen shumë shpejt - 17/10/2025
- Protesta në mbështetje të UÇK-së, djali i Hashim Thaçit mes pjesëmarrësve - 17/10/2025
- Bujar Leskaj në protestën në mbështetje të UÇK, thyen urdhërin e Berishës dhe sulmon qeverinë: Ministrat e Ramës janë njerëz negativë - 17/10/2025