Të martën, kombëtarja shqiptare do të përballet me Letoninë në kuadër të kualifikueseve për Kupën e Botës 2026. Në prag të kësaj përballje të rëndësishme, UEFA ka zbuluar emrat e arbitrave që do të drejtojnë takimin.
Për ndeshjen është caktuar një trupë gjykuese nga Turqia. Arbitër kryesor do të jetë Umut Meler, një emër i njohur dhe shpesh i diskutuar në arenën ndërkombëtare, sidomos pas një incidenti të bujshëm në dhjetor të vitit 2023, ku u sulmua fizikisht nga presidenti i klubit turk Ankaragucu, pas përfundimit të ndeshjes ndaj Rizespor.
Në krah të tij do të jenë ndihmësit Kerem Ersoy dhe Ibrahim Uyarcan, ndërsa arbitër i katërt është përzgjedhur Oguzhan Cakir. Sistemi VAR do të kontrollohet nga dy arbitra gjermanë: Harm Osmers si VAR kryesor dhe Daniel Schlager si asistent.
Përballja në Riga pritet të jetë vendimtare për shpresat e Shqipërisë drejt kualifikimit për në Kupën e Botës, dhe drejtësia në fushë do të jetë në fokus të veçantë, duke marrë parasysh rëndësinë dhe ndjeshmërinë e këtij takimi. (A2 Televizion)
- Putin kërkoi ish-Kancelarin Schroeder si ndërmjetës me BE-në për fundin e luftës në Ukrainë, reagon SPD - 11/05/2026
- Barcelona është e Flick! Fitojnë La Ligën duke mposhtur Realin e Madridit, dhe festojnë me trajnerin në ditën që humbi babain - 11/05/2026
- Tensione të reja SHBA-Iran, Trump refuzon planin iranian për paqe: Krejtësisht i papranueshëm - 11/05/2026