Presidentja e Kosovës, Vjosa Osmani, ka uruar Shqipërinë për arritjen e një momenti historik në rrugëtimin e saj drejt anëtarësimit në Bashkimin Evropian.
Me anë të një postimi në rrjetet sociale, Osmani e ka cilësuar hapjen e kapitujve të anëtarësimit si një hap të madh drejt një të ardhme më të ndritur dhe të begatë për të gjithë qytetarët e Shqipërisë.
“Urime Shqipërisë për arritjen e këtij momenti të rëndësishëm në rrugëtimin e saj drejt anëtarësimit në BE! Hapja e kapitujve të anëtarësimit e afron Shqipërinë një hap më pranë një të ardhmeje më të ndritur dhe të begatë për të gjithë qytetarët e saj,” ka shkruar Osmani.
Osmani theksoi gjithashtu rëndësinë që Shqipëria, Kosova dhe vendet e tjera të rajonit të vazhdojnë avancimin në rrugëtimin e tyre drejt BE-së. Ajo nënvizoi se ky proces është thelbësor për sigurimin e paqes dhe stabilitetit afatgjatë jo vetëm për rajonin, por për të gjithë Evropën.
Congratulations to Albania on reaching a major milestone in its journey towards EU membership! The opening of the EU accession chapters brings Albania one step closer to a brighter and more prosperous future for all its citizens.
Albania, Kosovo, and other democratic countries…— Vjosa Osmani (@VjosaOsmaniPRKS) October 15, 2024
- “Nuk na duhet më teatër”/ Kryeparlamentari iranian sulmon Trumpin: Kërcënimet dhe premtimet boshe janë strategji e dështuar - 06/08/2026
- Zyrtare/ Marrëveshje historike, Vinicius lidhet me Real Madridin për gjashtë sezone të tjera - 06/08/2026
- Ngërçi në formimin e institucioneve, SHBA thirrje liderëve politikë në Kosovë: Ka ardhur koha për progres dhe stabilitet - 06/08/2026