“Në 22 dhjetor do të jem në Shqipëri dhe do të takoj kryeministrin Edi Rama”. Ka qenë kjo deklarata e ministrit të Jashtëm të Italisë Antonio Tajani në vazhdën e Konferencës së Ambasadorëve të Farnesina-s.
Siç raporton agjencia e lajmeve “ANSA”, ministri ka thënë më tej se do të vizitoj “vendet ku do të vendosen qendrat për emigrantët që do të duhet të rikthehen në vendet e tyre të origjinës”, bazuar në marrëveshjen e nënshkruar mes dy vendeve.
Qeveria italiane, siç theksoi ai nuk është e shqetësuar për pezullimin e ratifikimit dhe në çdo rast ekziston mirëkuptimi për “ të mos ndërhyrë në vendimet e Gjykatës Kushtetuese Shqiptare”.
Kujtojmë se ratifikimi i marrëveshjes në Kuvend planifikua për në 14 dhjetor, por u pezullua, pasi Gjukata Kushtetuese një ditë më herët, pranoi për shqyrtim, kërkesën e deputetëve të grupit Bardhi-Berisha që kundërshtojnë zbatimin e saj. Seanca, pas shqyrtimit të çështjes do të mbahet në 18 janar.
Gjatë vizitës së tij në Shqipëri siç përcjellin mediet Tajani do të vizitojë edhe ushtarakët e Guarda Finanza-s, si dhe do të ndalet edhe në Mal të Zi për të uruar të gjithë ushtarakët italianë të angazhuar jashtë si “pjesë e politikave të jashtme”.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024