Drejtori i kolegjit turk ‘Mehmet Akif’, Mustafa Ertekin thotë se vendimin e qeverisë për të mbyllur kolegjin e ka mësuar nga mediat dhe rrjetet sociale.
Sipas tij zyrtarisht ende nuk u ka ardhur asnjë lloj dokument apo njoftim për këtë vendim.
Ai i shpreh se kolegji turk ka zbatuar çdo udhëzim të Ministrisë së Arsimit, ndërsa sqaroi edhe vërejtjet që kishin mbërritur në kolegj nga ministria pas zhvendosjes në ambientet e reja.
“Sapo jemi zhvendosur në këtë ndërtesë të re. Sipas një relacioni të mëparshëm na është thënë se kjo godinë nuk është e përshtatshme për kushtet e studimit. Vërejtja që është bërë për 4 klasa për vendosjen e tabelave dhe pozicionit të dritës që e kemi rregulluar menjëherë të nesërmen.
Ky qenka një problem shumë serioz për shkollimin sa të çojë në mbylljen e një institucioni. Ne përdorim teknologji si tabela smart që s’kanë të bëjnë me dritën natyrale”, tha drejtori i kolegjit.
Ai nuk pranoi të komentonte nëse kolegji turk është i lidhur me financime të Gylen por shtoi se “të gjithë e dinë se si po ndodhin gjërat në Shqipëri”.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024