Kreu i Partisë së Lirisë, Ilir Meta është shprehur se forca e tij politike do të bëjë maksimumin për të mbështetur dhe për të krijuar kushte të denja pune për të rinj.
Në një statsu në rrjetet sociale, sot në kaudër të Ditës Ndërkomëbatre të Punëtorëve, Meta shkruan se të rinjtë janë punëtorët e së ardhmes dhe kush punon kundër tyre, punon kundër vetes.
“Gjithë përpjekja jonë politike është që të krijojmë kushte të denja pune për të rinjtë tanë.
Të rinjtë janë punëtorët e së ardhmes, ata më shumë punojnë me mend se me muskuj. Kush punon kundër të rinjve tanë punëtorë, punon kundër vetes.
Forca jonë politike ka qenë gjithnjë forcë e të rinjve dhe ne do të bëjmë maksimumin për t’i mbajtur ata, idetë, bizneset dhe punën e tyre në Shqipëri.
Gëzuar 1 Majin të gjithë punëtorëve, e veçanërisht të rinjve e të rejave, sepse bashkë me ta do të ecim drejt një shoqërie më të drejtë e më të zhvilluar”, shkruan Meta.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026