Makina në të cilën udhëtonte Volodymyr Zelensky u përfshi në një aksident trafiku në Kiev, por presidenti ukrainas nuk u lëndua rëndë.
Këtë e ka bërë të ditur zëdhënësi presidencial Serhii Nykyforov.
Nykyforov shpjegoi se makina e presidentit Zelensky u përplas me një automjet privat, por nuk specifikoi se kur ndodhi aksidenti.
“Presidenti është vizituar nga një mjek, nuk raportohet për lëndime të rënda”, tha zëdhënësi, duke shtuar se “rrethanat e ngjarjes do të konstatohen nga policia”. “Mjekët që shoqëronin kreun e shtetit e shpëtuan shoferin e makinës private dhe e futën në ambulancë”, tha Nykyforov.
Pak minuta pasi zëdhënësi i Zelensky bëri deklaratën, zyra e presidentit ukrainas publikoi një video të fjalimit të mbrëmjes që lideri mban çdo ditë.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024