20 vite nga ikja e Teodor Kekos, yjet e skenës bëhen bashkë për të kujtuar shkrimtarin.
Me mbështetjen e Ministrisë së Kulturës, Luiza Xhuvani, Kastriot Çaushi, Ardit Gjebrea dhe Kristian Koroveshi do të interpretojnë më 14 shtator në sallën e katedrales ortodokse, në Tiranë.
Aktiviteti do të mbahet në orën 20:00 me titullin ‘Taki me Dorin’.
“Mes poezish, muzikës, kujtimeve… duket sikur Dori nuk ka ikur asnjëherë. Ndaj dhe vazhdojmë ritualin e takimeve… Edhe këtë herë, edhe pas 20 vitesh. Në një mbrëmje-homazh për Teodor Kekon, me vargje, muzikë, yje të skenës, miq… e të tjera, e të tjera… jeni të ftuar” – shkruan ministrja Elva Margariti.
Teodor Keko ishte shkrimtar dhe publicist shqiptar. Ai lind në Tiranë, i biri i regjisorëve të kinematografisë Endri dhe Xhanfize Keko. Ndoqi studimet e larta në Universitetin e Tiranës në degën e Gjuhës dhe Letërsisë Shqipe. Në fillimet e tij punoi si gazetar në gazetën letrare “Drita”, dhe në gazetën e përditshme “Koha Jonë”, më vonë ka punuar në gazetën “Aleanca” si redaktor.
Për një periudhë kohe ka qenë deputet i Parlamentit shqiptar. Teodor Keko i filloi publikimet e tij në vitin 1980 dhe është autor i 15 volumeve në zhanre të ndryshme si, poezi, dramë, novelë si dhe tregimeve të shkurtra.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024