Pas publikimit të pamjeve të çiftit, İrfan dhe Yıldız Ozdemir, të cilët u rrahën nga doganierët gjatë kalimit të tyre nga Porta Kufitare e Haburit në Turqi, Guvernatorja e Shirnakut njoftoi se dy doganierët e përfshirë në incident janë pezulluar nga puna.
Ozdemir nga ana tjetër është thirrur në departamentin e kontrabandës me arsyetimin se në çantën e saj ishin gjetur 1 kilogram çaj, 5 kilogramë oriz dhe 2 kilogramë sheqer të padeklaruar. Duke shpjeguar se si ndihej pas incidentit, Ozdemir tha se “i publikova pamjet sepse nuk dëshiroja që fëmijët e mijë të keqinformohen”.
Çifti ishte nisur për në shtëpinë e tyre në Silopi me produktet që blenë nga Qeveria Rajonale Kurde e Irakut (IKRG). Kur arritën në portën e kufirit, ata u thanë doganierëve se nuk do t’i kalonin produktet përmes rrezeve ultra-violetë.
Pas kundërshtimeve, doganierët filluan të rrihnin İrfan Özdemir. Yıldız Özdemir, e cila vuan nga problemet e zemrës nisi t’u bërtiste oficerëve. Më pas, një doganier me uniformë e goditi gruan me shuplakë dhe vazhdoi duke e shkelmuar ndërsa ishte në tokë.
Doganierët pritet të dënohen rëndë për rrahjen e dy qytetarëve të pafajshëm.
- Drejtori i Mjedisit sherr brenda institucionit me zyrtarin e IKMT/ Inspektorati i Përgjithshëm i pezullon nga detyra: Asnjë incident nuk do të kalojë pa përgjegjësi - 03/03/2026
- LIVE/ Protesta e opozitës, Berisha dhe tubuesit nga Kryeministra shkojnë drejt Policisë së Shtetit. Hidhen molotovë - 28/02/2026
- EMRAT/ 7 ndryshime drastike në qeveri, ikën Balluku! Rama bën gati kabinetin e ri, kush janë ministrat e propozuar - 26/02/2026